Faaiidooyinka Caafimaad ee Saliidda Dufanka leh ee Omega-3
Xogside – Waxaa Omega-3 laga helaa cuntooyinka dabiiciga ah – sida kalluunka. Sidoo kale waxa jira dawooyin ka sameysan saliiddan dufanka leh.
Waxyaabaha ka sameysan Omega-3 waxay muhiim u yihiin qaabka ay qeybo ka mid ah jidhka u shaqeynayaan. Waxaa ka mid ah:
- Xakameynta caabuqyada
- Xinjirada dhiigga
- Dhiig-karka
- Kobcinta awoodda hannaanka neerfayaasha
- Dib u hagaajinta caafimaadka xuubabka jidhka – sida maskaxda, indhaha iyo dareenka
- Dhaqdhaqaaqa walxaha ku dhex wareeganaya unugyada
Cuntada laga helo Omega-3
Waxaa Omega-3 laga helaa cuntooyinka dabiiciga ah – sida kalluunka. Sidoo kale waxaa jiro dawooyin ka sameysan saliiddan dufanka leh.
Kalluunka waxaa ku jiro Omega-3 ga loo garanayo DHA iyo EPA, halka lawska iyo khudaarta qaar ka mid ahna laga helo Omega-3 loo yaqaano ALA.
Faa’iidada caafimaadka Omega-3
Sida ay sheegeen cilmi-baadheyaasha caafimaadka, cunidda Omega-3 waxaa laga heli karaa faa’iidooyinka caafimaad ee hoos ku qoran:
- Caafimaadka wadnaha
Waxay kordhisaa heerka DHA iyo EPA oo kala ah laba maado oo jidhka ku jira – Haddii aad kalluunka cunto ama isticmaasho Saliidda kalluunka, waad heleysaa faa’iidada.
Sidaa haddii aad sameyso, waxaad caafimaad taam ah u heleysaa wadnaha, waxayna ka hortageysaa halista soo wajahda.
Cilmi-baadhisyo ayaa lagu ogaaday in cunidda Omega-3 ay yareyneyso cudurada sababa in qofka uu dhinac qalalo, sida kuwa sababa dhiig-karka.
Sidoo kale, qaar ka mid ah dhaqaatiirta waxay sheegeen in Omega-3 uu ka hortagayo wadna xanuunka iyo qalalka.
- Ka hortagga xanuunka kala goysyada jidhka
In aad si joogto ah u cunto dawooyiinka laga sameeyay saliidda kalluunka waxay yareynayaan kor-xanuunka iyo daalka aad dareemto subixii, ka dib marka aad hurdada ka toosto.
Si gaar ah ayey ugu fiican yihiin xanuunka kala goysyada jidhka iyo lafaha. Kalluunka waxaa sidoo kale loo adeegsadaa daweynta xanuunka faraha, iyo lafaha kale ee lugaha.
- Faa’iidooyinka kale ee caafimaadÂ
Dhowr cilmi-baadhisood lagu sameeyay Omega-3 waxaa lagu ogaaday in faa’iido badan ay u leedahay dadka qaba xanuunada hoos ku qoran.
Balse Xarunta dawooyinka Mareykanka, waxay sheegtay in weli ay socdaan baadhitaanno dheeraad ah si loo dhameystiro faa’iidooyiinka Omega-3.
- Werwerka iyo walbahaarka (Gaar ahaan MDD)
- ADHD
- Asaasaqa (dementia)
- Xanuunada indhaha ka dhameeya biyaha (indho la’aanta sababa)
- Tubtubka ama duuduubka haragga ee da’da ay sababto
- Ka hortagga caabuq kasta oo ku dhaca maqaarka
Qaar ka mid ah cilmi-baadhisyada lagu sameeyay bulshooyiinka waxaa lagu ogaaday in aad cuntadaada ku darto Omega-3, in ay suuragal tahay inay ka hortagto qaar ka mid ah noocyada kansarka.
Balse weli waxaa loo baahan yahay in tijaabooyiin caafimaad oo rasmi ah lagu sameeyo arrintaas – Weli lama cadeyn in si rasmi ah ay kansarka uga hortageyso.
DIGNIIN:
In kastoo la sheegay in Omega-3 ay sida guud tahay wax wanaagsan, marka aad ka qaadato qeyb yar ama dhexdhexaad ah, haddana waxaad isku arki kartaa arrimahan:
- Shuban
- Laab-jeex (Gaas ama calool-hur)
- Dheef-shiidka oo shaqada yareeya
- Iyo dibirro
Haddaba niyadda ku hay in dawooyiinka dabiiciga ah ay markasta yihiin kuwo la soo tijaabiyay oo badqab leh. Haddaba ha adeegsan dawo aad ka shakiso ansixinteeda.
Noocyo kala duwan oo ay soo saareen shirkado kala gedisan ayaa suuqa yaalla. Hadabba qaado kuwa lagu kalsoonaan karo.
Haddii aad qorsheyneyso in aad isticmaasho Saliidda Kalluunka dawooyinka laga sameeyay, marka hore la tasho dhaqtarkaaga. In aad adiga is daweyso waa xaalad sababi karto in saameyn xun ay kugu yeelato.
Faaiidooyinka Caafimaad ee Saliidda Dufanka leh ee Omega-3
