Golaha Guurtida oo Dood ka Yeeshay Xeerka
Xogside Mudanayaasha Golaha Guurtida ee Somaliland ayaa maanta dood ka yeeshay xeerka ka hortagga iyo xakamaynta ka ganacsiga iyo tahriibinta dadka, ee xeer Lr.101/2022, xeerkan ayaa hore uga soo gudbay aqalka Golaha Wakiillada.
Fadhigii maanta ee Golaha Guurtida Somaliland oo uu shir-guddoominayay ku xigeenka kowaad ee golahaasi  mudane Siciid Jamac Cali ayaa mudanayaasha golahaasi waxay ka doodeen in xeerka ka hortaga iyo xakameynta ka ganacsiga iyo tahriibinta dadka.
qodobadiisa ka hadlaya ciqaabta in la kordhiyo, si qofka eedeysanaha ahi aanu u iibsan karin xadhiga, iyagoo mudnayaashu ay dalbanayeen in laga dhigo laba sanno ilaa toban sanno oo xadhig ah, halka sidoo kalena la codsaday in guddi kooban loo saaro soo naaqishista xeerkaasi.
Gabo’gabadii, fadhigaasna gudoomiye ku xigeenka kowaad ee golahaasi Md-Siciid Jaamac Cali ayaa mudanayaasha golahaasi ku wargaliyey in xeerka tabriibinta dadka loo saari doono guddi kooban oo ka soo shaqeysa, golahana dib ugu soo celisa, si gole weynuhu uu hawshiisa dastuuriga ah uu uga guto.
