Dawladda Hoose iyo Shirkad Kala Saxeexday Heshiis Ka Turjumaya Qurxinta Magaaladda Laascaanood

0
Dawladda Hoose iyo Shirkad Kala Saxeexday Heshiis Ka Turjumaya Qurxinta Magaaladda Laascaanood

Laascaanood (Xogside): Maamulka dawladda hoose ee degmadda Laascaanood ayaa heshiis ka turjumaya qurxinta magaaladda la saxeexatay Injiineerada shirkadda qaadatay qandaraaska qurxinta magaaladaasi.

Heshiiskaasi oo ka dhacay xarunta dawladda hoose ee magaaladda Laascaanood waxaa goob joog ka ahaa maayarka maayarka Laascaanood C/raxiin Cali Ismaaciil, maayar ku-xigeenka Axmed Kawte, iyo xoghayaha fulinta dawladda hoose ee Laascaanood.

Sidoo kale waxaa madasha saxeexa heshiiskaasi goob joog ka ahaa injiineeradda wax ka dhisaya mashruuca qurxinta bilicda master plan-ka magaaladda Laascaanood iyo masuuliyiinta shirkadda ku guulaysatay qandaraaskaasi.

Waxaana madashii heshiiskaasi Enginerada la guddoonsiiyay aqoonsiga dawlada hoose ugu talo gashay in ay ku hawl galaan ama ku shaqeeyaan Injiineerada wax dhisaya iyo shirkadda wax ka dhisaysa mashruuca qurxinta magaaladda Laascaanood.

Sida uu sheegay maayarka Laascaanood C/raxiin Cali Ismaaciil, oo ka warbixinayay heshiiskaasi iyo waxyaabaha faa’iidadda ah ee uu magaaladda u leeyahay.

Heshiiskani ayaa mamnuucaya in aanu dhisme ka shaqayn karin Injiineer aan ruqsad aqoonsi ka haysan dawlada hoose ee degmadda Laascaanood, kaasoo ilaalinaya quruxda magaaladda.Dawladda Hoose iyo Shirkad Kala Saxeexday Heshiis Ka Turjumaya Qurxinta Magaaladda Laascaanood

Waxa kaloo uu heshiiskaasi tilmaamayaa in Engineerkii heshiiskaasi ku xad gudbana uu mutaysan doono xadhig iyo ganaax uu heshiisku waajibiyay, sida uu xusay maayarka Laascaanood C/raxiin Cali Ismaaciil.

Waxa kaloo uu maayarku sheegay in shirkii saxeexa heshiiskaasi uu ahaa mid muhiimad gaara u leh magaaladda Laascaanood kaasoo bilicda magaaladda iyo dhismaha casriga ah qayb weyn ka qaadan doona.

Isagoo xusay in ay ka dawlad hoose ahaan rejaynayaan in iyagoo ka duulaya horumarinta bulshadda magaaladda Laascaanood in ay fulin doonaan Injiineeraduna arrintaasi.

Maayarka Laascaanood C/raxiin Cali Ismaaciil, oo heshiiskaasi ka warbixinayayna waxa uu yidhi, “Kaalinta uu nin waliba fulin doono. Si cad baanu ugu heshiinay. Waxaan rejaynayaa in ay iyaguna ka soo bixi doonaan. Shir buu ahaa muhiim ah, oo muhiimad gaara u leh magaaladda Laascaanood, oo bilicda magaaladda iyo dhismaha casriga ah, qayb weyn ka qaadan doona.Dawladda Hoose iyo Shirkad Kala Saxeexday Heshiis Ka Turjumaya Qurxinta Magaaladda Laascaanood

Waxaan rejaynayaa anagoo ka duulayna horumarinta bulshadda magaaladda Laascaanood, in ay fulin doonaan Injiineeraduna arrintaasi”.

Geesta kale maayarka Laascaanood ayaa ka codsaday Injiineeradda in ay ilaaliyaan heshiiska ay wada qaateen, isla markaana in ay ixtiraamaan heshiiskaasi iyo macuulaadka qoraaladda ay kala saxeexeen.Dawladda Hoose iyo Shirkad Kala Saxeexday Heshiis Ka Turjumaya Qurxinta Magaaladda Laascaanood

“Waxaa inoo balan ah, Laascaanood qurux badan, iyo in aynu raacno qaabkan cusub ama naqshadan cusub, ee loo diyaariyaya master plan-ka magaaladda iyo degsiimooyinka cusub. Sida uu qorayo xeerku.

Waxaan ka codsanayaa Injiineeradda aanu heshiiska wada qaadanay, in ay ixtiraamaan heshiiskaasi, iyo macuulaadka qoraaladda ay saxeexeen” ayuu yidhi maayarka Laascaanood.

Dawladda Hoose iyo Shirkad Kala Saxeexday Heshiis Ka Turjumaya Qurxinta Magaaladda Laascaanood

Khadar Cabdi Muuse

war celin